न्यू चांद सुलताना हायस्कूलचा निरोप समारंभ संपन्न, Chand Sultana

न्यू चांद सुलताना हायस्कूलचा निरोप समारंभ संपन्न

अहमदनगर - न्यू चांद सुलताना हायस्कूल कोल्हार येथे दहावीच्या विद्यार्थ्यांसाठी निरोप समारंभ आयोजित करण्यात आले होते. कार्यक्रमाच्या अध्यक्षस्थानी न्यु चांद सुलताना हायस्कुलचे स्थानिक चेअरमन राजमोहंमद शेख होते. प्रमुख पाहुणे म्हणून मख़दुम एज्युकेशन अँड वेल्फेअर सोसायटीचे अध्यक्ष आबीद दूल्हेखान, मुख्याध्यापक अतीक शेख ,एस एम सी सदस्य आसिफ शेख,ग्रा. पं.सदस्य वसीम मंन्सुरी, सतार भाई, बापु ताडपत्रीकर, संगमनेर येथील उर्दू साहित्यिक अब्दुला हसन चौधरी, इदरीस भाई, आसिफ भाई आदि मान्यवर उपस्थित होते. कार्यक्रमाची सुरुवात कुराण पठण हम्द नाआतने झाली.दहावीच्या विद्यार्थ्यांनी अतिशय सुंदर पद्धतीने आपले मनोगत व्यक्त केले.

मुख्याध्यापक अतीक शेख यांनी आपले मनोगत व्यक्त करतांना विद्यार्थ्यांना येणाऱ्या जीवनात कठोर परिश्रम घेण्यास प्रोत्साहन दिले आणि त्याच बरोबर सर्वांशी दयाळूपणे, सभ्यतेने आदराने वागावे असे सांगुन पुढील जीवनात पण शिक्षणाच्या बाबतीत काही मदद मार्गदर्शन हवे असल्यास अवश्य आमच्याशी संपर्क साधावा असे विधार्थांना सांगितले.

आबीद दुलेखान यांनी विद्यार्थ्यांना परीक्षेबाबत प्रोत्साहन देऊन अभ्यासाकडे विशेष लक्ष देऊन अभ्यास करण्यासाठी मार्गदर्शन केले. सुत्रसंचालन शेख जाकेरा व फौजिया टकारी यांनी केले. तर आभार पिंजारी शब्बीर यांनी मानले. कार्यक्रम यशस्वी करण्यासाठी शेख शबाना, मलिक रुबीना, शेख तब्बसुम, शेख तौसिफ, पटेल अतीक, मुख्याध्यापक शिक्षक व कर्मचारी वर्गाने भरपूर परिश्रम घेतले .